الحلقة الثانية طريقة خياطة ملاية السرير

طريقة خياطة ملاية السرير :                                              بعد ماعرفنا طريقة قص الملاية نبتدى نخيط الملاية من ال 4 جهات بنتنى تنية صغيرة نص سم مثلا وتنية عليها بالمكنة انتهينا من الملاية طبعا كيسين المخدة كانوا مع بعض نفصلهم عن بعض بالمقص كل كيس أصبح 160 * 90 نتنى العرض ال90 سم على بعض أصبح متنى 45 *160 لكل كيس نبتدى نخيط على قلبة القماش طبعا نتنى الطرفين زى ماتنينا الملاية بالضبط ثم نتنى الطرفين على بعض ونبتدى نخيط وممكن بعد كده تعمليها بمكنة الأوفر علشان ماتنسلش ولو مفيش أوفر ممكن تتصرفى وتتنى تنيتين على بعض خلصنا كيسين المخدة . ان شاء الله فى المدونة القادمة نعمل الخداديات علشان فيها شغل .